المدونة

نعرض أحدث الآراء و التحليلات لأبرز مدوني هافينغتون بوست عربي

 شامه حلمي عمران Headshot

قواعد سلامتك العقلية والنفسية الأربعون

تم النشر: تم التحديث:

"ورقة وقلم واكتبي معايا يا ست الكل".. بصوت الشيف الشربيني.

1- الاكتئاب والأمراض النفسية زيها زي الأمراض العضوية في خطورتها، وقدرتها على تدمير البني آدم، وبالتالي بتحتاج مساعدة ساعات معنوية وساعات طبية، وممكن كمان تحتاج دوا.

2- قربك من ربنا مهم عشان يخليك متماسك وصابر، لكن لوحده مش هيشفيك.

3- أكتر الناس عرضة للاكتئاب والتقلبات المزاجية هم الناس الحساسة اللي بنقول عليهم دمعتهم قريبة.. كمان الناس اللي بتشارك في أنشطة خيرية، وبتحب تساعد الناس، وبتحتك كتير بحالات إنسانية أو ناس اتعرضت لكوارث مفجعة.

4- دكتور جورج إيفرللي البروفيسور بجامعة بلومبيرج بيقول إنه بعد أربعين سنة في مجال الطب النفسي وتدريس كورس السلامة النفسية للناجين من الكوارث الطبيعية، واللي بيشتغلوا في مجال الإنقاذ، اكتشف إن الناس اللي عندها إيمان بإنه فيه شيء أو حد أكبر منهم يتحاموا فيه ويوكلوا له أمورهم ويشتكوا له بيبقوا أكتر مرونة في تحمّل الصدمات والصبر عليها.

5- الشخص بعد التعرض لصدمة نفسية أو حادث مفجع أو ابتلاءات متوالية بيحصل له حالة من الانطفاء النفسي أو بيقولوا عليها: Burn out.

6- بتعرف إنك انطفيت نفسياً لما بتتغير عاداتك، بتميل للتسويف، وبتفقد الشغف والتغيير بيحصل لك بالبطء، بتبقى سريع التعاطف مع الحالات الإنسانية، وممكن تتأثر لدرجة إنك ممكن تتوتر، وتؤذي نفسك بتناول مهدئات أو تناول الكافيين بشراهة أو تاكل أكلات بتسعدك أو تشرب مشروبات الطاقة بكثرة؛ لأنك أنهكت نفسك وطاقتك فعلياً.

7- بيزيد عندك القلق، وبيزيد عندك الإحساس بالذنب، والإحساس بالذنب ممكن يبقى 3 أنواع؛ يا إما حاسس بالذنب؛ لأنك ما عملتش حاجة كان المفروض تتعمل، أو عملت اللي مش مفروض يتعمل، أو يجيلك إحساس بالذنب؛ لأنك معافى مش مبتلى زي اللي بتساعدهم.

8- من علامات الانطفاء النفسي برضه الكآبة والتشاؤم والكوابيس والقلق الدائم وفقدان الإحساس بالمتعة من أي شيء، والبدء في التشكيك في معتقداتك وثوابتك الدينية.

9- ممكن تساعد نفسك لو ما وصلتش للمرحلة اللي محتاج علاج فيها. إزاي؟ منا جايالك في الكلام أهو.

10- ما ترميش كل خيبة تحصل لك على الحسد والعين.

11- مش لازم توصل للكمال يكفيك تكون عملت الشيء كويس.

12- ما تعقدش نفسك عقدة الـ perfection.

13- تمارين الاسترخاء وتمارين النفس.. بإنك تطول الشهيق والزفير.

14- ما تلومش نفسك.

15- ما تعلقش أخطاءك على طفولتك، عيلتك، أو والديك، زوجك، زوجتك.

16- اختلط، فضفض، اتكلم.

17- اتكلم مع حد يريحك مش حد يلومك ويزود همّك.

18- الدعم الاجتماعي، اخرج مع حد برة.

19- اتكلم، اطلع رحلة مع أصحابك.

20- تريّض.

21- ممكن تعتمد على غيرك شوية، وتحمل عليهم شوية.

22- افطر.

23- ما تركزش في أكلك ع اللحوم بس.

24- ما تتحملش مسؤولية كل شيء.

25- أيوة يعني ما تجيش علي نفسك عشان حد.

26- ما تحاولش تراضي كل اللي حواليك وتنسى تراضي نفسك.

27- اهتم بنفسك.

28- اهتم بنفسك.

29- ما تدخلش نفسك في حوارات تبقى مسؤول فيها عن كل شيء، وكل الناس من الألف إلى الياء، بمعنى ما تزودش الضغوط على نفسك.

30- فكر وبص وركز على نفسك والحاجات اللي بتعرف تعملها كويس.

31- ما تخلّيش دايماً تركيزك على الحاجة اللي ناقصاك أو مش قادر عليها.. بمعنى تاني ما تقارنش نفسك بحد.

32- ما تحاولش تعيش مود الشخص اللي انت بتساعده، وعاطفياً تحط نفسك مكانه.

33- ما تحسش بالذنب إنك ما قدرتش تساعده.

34- ما تنامش لحد ما تجوع.

35- ومتاكلش لحد ما تتعب.

36- خد إجازة، افصل.

37- جدد.

38- ما تستخدمش مهدئات.

39- قرّب من كل ما هو أخضر وغير معالج.

40- وما كان الله معذبهم وهم يستغفرون.

وما يفعل الله بعذابكم إن شكرتم وآمنتم وكان الله شاكراً عليماً.

- مُترجم من كورس Psychological first Aid.

ملحوظة:

التدوينات المنشورة في مدونات هاف بوست لا تعبر عن وجهة نظر فريق تحرير الموقع.