المدونة

نعرض أحدث الآراء و التحليلات لأبرز مدوني هافينغتون بوست عربي

محمد حسن بيومى Headshot

كيّال أكوام الغلال

تم النشر: تم التحديث:

2016-10-13-1476361770-3313667-IMG_6604.JPG

ماتت جوايا حاجات
وماعدش ينفع أصحيها
ماتت جوايا لاءات
كان لازم نطلع تداويها

كان لازم تطلع في ساعتها
ساعة ما وقفت في حارتها
شايف بعنيّا الصفقة تتم
وقف الأول عينه ع القرش
عائد بيعه لقوت الناس
بص التانى ولمح الفرش
أما بضاعة تساوي الماس
أما الأول كان كيّال

كيّال أكوام الغلال
والسارق لأحلام العيال
أما التالت كان شيال
والرابع حاضر فيّا
ساكن فيّا بكل صفاته
شخصي العاجز على التغيير
شخصي العاجز عن التفسير
هي الـ(لاء) ليه ما تثورش؟

* * * *
آه عرفت
أصل كيّال الكوم
لما بقوم من النوم
وأنزل أجيب العيش
يلمحني يقول ما تجيش
وانت هتقف في طابور
زيك كما الجمهور
وقوام يجيبلي الكرسي
وينده عشان العيش

ماتت جوايا الإحنا
لما بقينا في محنة
وقوام جريت على الحتة

ورغم اللي صار في الحتة
من كره للكيّال
عدد الكراسي زاد
يوم ورا التاني
ماتت جوايا الإحنا
ماتت جوانا الإحنا

ملحوظة:
التدوينات المنشورة في مدونات هافينغتون بوست لا تعبر عن وجهة نظر فريق تحرير الموقع.