المدونة

نعرض أحدث الآراء و التحليلات لأبرز مدوني هافينغتون بوست عربي

قاسم الحتو  Headshot

كيف تسافر حولَ العالم بأرخص التكاليف

تم النشر: تم التحديث:

عزيزي المسافر, قد تكون هذه أول رحلاتك. إهلع! صرّخ! أرقص! طبعاً من الفرحة, أخيرا رح تسافر! لكن قبل ما تحجز استنى وفكّر, تخيّل نفسك في الطائرة, وصلت وجهتك بنجاح, طلعت من المطار, ماذا الآن؟ هناك دليل سياحي بإنتظارك ويحمل إسمك على باب المطار؟ هذا خطأك الأول, ليش حجزت مع مكتب سياحي؟؟ (إلا إذا كنت متأكد إنه الخيار الأفضل والأوفر)
"لماذا لا ترتب رحلتك بنفسك."
لكن لترتّب رحلتك بنفسك يجب أن يكون هناك من يساعدك بما إنّك مبتدئ, لذلك أنا هنا لأنقذك! سأقدم لك مجموعة من النصائح المفيدة اللي تعلّمتها أثناء سفري على طبق من ذهب لترتّب رحلتك بنفسك.
ملاحظة: هذه النصائح للناس اللي بهمهم التوفير بالرحلات خصوصا, وهناك بعض النصائح العامّة.

١- حجز الطائرة

الطائرة هي أزنخ جزء لأنها ستأخذ الجزء الأكبر من ميزانيّتك لذلك عليك إختيارها بعناية.
لا تكن ثابت بمواعيدك, ابحث عن طائرات قبل وبعد بأسبوع من المواعيد التي تبحث عنها.. إحجز قبل الرحلة بشهر أو شهرين لأرخص سعر, ولا تكون جامد بالمطار اللي رح تهبط فيه, شوف المطارات بالمدن المجاورة خصوصا في دول زي أوروبا اللي المواصلات فيها أسهل ما يكون.. في مواقع ممكن تساعدك تشوف متى أرخص تاريخ وتشوف المطارات القريبة.. أنا استعملت موقع Orbitz ونزلت في مدينة هامبورغ بدل بريمن وبعدين أخذت قطار وهاد الشي وفّر علي ٣٠٠ دولار بدون مبالغة.. في مواقع أكتر بتقدروا تلاقوها بسهولة عالنت منها Sky Scanner , عليه في خيارات كثيرة بتقدر تجرّبها لتلاقي أنسب شي.
ملاحظة: قبل الحجز تأكد من التفاصيل, كعدد الحقائب وشمول السعر للضريبة.

٢- المبيت

لا تنزل بفندق, أبداً ! إلا إذا نازل بعرض خاص, في أكثر من خيار بالنسبة للسكن ويعتمد على إهتماماتك:

أولاً: Couch Surfing, هي شبكة على الإنترنت بتقدر عن طريقها تلاقي سكّان محلّيين مستعدّين يستضيفوك عندهم بالبيت لعدّة ليالي مجّانا ويقدمولك كنباي أو سرير تنام عليه, كل شي بهاي الشبكة هو من دون مقابل, هي شبكة من المجتمع للمجتمع, بتلاقي ناس يستضيفوك ويساعدوك مقابل إنه لما يسافروا يلاقوا حدا يساعدهم. جرّبتها مرّة في تركيا وكانت تجربة لطيفة جداً وأنصح الجميع بتجربتها! إذا قرّرت تستخدمها إبدأ البحث عن مضيف قبل أسبوع على الأقل.

ثانياً: إنزل بهوستل, متوسّط الهوستل هو ١٢ دولار بالليلة, وأكتر من ١٥ يعتبر غالي, إحجز أونلاين ورح تدفع ١٠٪ من المبلغ للحجز, من المواقع المعروفة اللي بتساعدك تلاقي هوستل موقع Hostel World وبتقدر تحجز عليه..
شو يعني هوستل؟ هوستل هو مكان للمبيت زي الفندق بس ممكن تحجز فيه سرير فقط, والغرف بكون فيها من ٤ - ٨ أسرّة, الغرف أقل من هيك بتكون غالية وللأمان بكون في خزانات بالغرف ممكن تسكرها بقفل, بكون بالعادة في صالة للجميع يقعدوا فيها ويستخدموا الإنترنت ومطبخ إذا حدا بدّه يطبخ وبالنسبة للحمّامات بكون كل طابق اله حمّام مشترك زي حمّامات المطاعم.
ثالثاً: Airbnb, موقع معروف جداً هو خيار مناسب للعائلات أو المجموعات الصغيرة, تستطيع على هذا الموقع إيجاد شقّة للإيجار أو سكن مشترك لفترة من الزمن, لم أجرّبه حتى الآن لكن سأجرّبه قريبا وأكتب عن تجربتي.

٣- كيف تصل إلى وجهتك في المدينة

عند السفر, ستحتاج لمعرفة الأماكن والطرقات, ما رح يكون عندك Google Maps لإنه مش كل مكان فيه إنترنت, ممكن تفكّر تشتري خريطة المدينة بس في حل أحسن, في أحد الرحلات عرّفني مضيفي "CouchSurfing" على تطبيق إسمه Ulmon وهو تطبيق خرائط لا يحتاج لإنترنت, بتنزّل فقط خريطة المدينة اللي رح تزورها وبنزل معها كل الأماكن اللي ممكن تحتاجها, هذا التطبيق ساعدني جدا أثناء سفري ووفّر علي كتير وقت ومصاري..
الخطوة الثانية هي إنك تنزّل خريطة الميترو للمدينة اللي رايح عليها من الإنترنت لتكون مأمن من جميع الجهات.

٤- أدرس وجهتك

قد تبدو هذه المعلومة غير مهمة لكن لمّا تسافر رح تلاقي إنها ممكن تغيّر ترتيب جدولك وميزانيّتك بالكامل. إبحث عن الميزانية المناسبة لزيارة المدينة, أوقات فتح وإغلاق المتاحف, أفضل وسيلة للمواصلات. مثلا من المعلومات المهمّة إنه في أغلب دول أوروبا تغلق جميع المحلّات أبوابها الساعة ٦, ويوم الأحد هو يوم إجازة للجميع, لا تفتح فيه إلا الكنائس.
وأيضا قد تكون هذه المعلومة صادمة وغير مريحة للبعض فالرجاء عدم القراءة لضعفاء القلوب! تخيّل حالك دخلت إلى التواليت في أحد دول الغرب وخلّصت, ستبدأ بالبحث عمّا نسمّيه "شطّافة", هنا تأتي الصدمة, لا يوجد, فالناس في تلك البلاد لا يقتنعون بإختراع الشطّافة, لا يعرفون ذاك الشعور المنعش البارد الجميل بعد الإنتهاء من التواليت ويكتفون فقط بإستعمال محارم جافّة, عشان هيك لمّا تسافر لا تتفاجئ وخلّي معك قنينة مياه كل ما تدخل بيت الخلاء.

٥- لا تتعب بالك بترتيب الجدول

بعض الناس ما بعرفوا يتحرّكوا من دون مخطط.. عند السفر لن ينفع هذا النمط في الحياة. قبل أن تسافر, إبحث عن الأماكن اللي بدّك تزورها وإعمل منها قائمة وخلّيها معك ولمّا تسافر, حدّد كل ليلة مكانين أو ٣ أماكن بدّك تزورهم اليوم التالي, قد تجد إنه أحد الأيّام لم يكفي لزيارة الأماكن اللي حدّدتها لضيق الوقت أو ببساطة لإنك مش جاي عبالك تروح, عادي, خلّي الأمور عالتساهيل. المهم هو إنك تصحى كل يوم بكّير وتنطلق في بلاد الله الواسعة ولا ترجع إلّا آخر الليل, إستغل كل لحظة عندك وإستمتع برحلتك. تعرّف على أشخاص محلّين وتحدّث معهم وخلّي جدولك آخر همومك.

ملحوظة:

التدوينات المنشورة في مدونات هافينغتون بوست لا تعبر عن وجهة نظر فريق تحرير الموقع.