المدونة

نعرض أحدث الآراء و التحليلات لأبرز مدوني هافينغتون بوست عربي

أمل مصطفى Headshot

فوائد عديدة لخروج الأطفال من المنزل يومياً

تم النشر: تم التحديث:

من ألعن التابوهات المصرية اللي بيمارسها الأهل على أطفالهم هو تابوه "ما ينفعش نزول كل يوم".. وتابوه "انت اتفسحت الشهر اللي فات عاوز إيه تاني" حان وقت النكد بقى.

* هل تعلم أن في بريطانيا وإيطاليا تعمد فيهما السلطات إلى تغريم مالك أي كلب نحو 650 دولاراً، حال امتناع أصحابه عن إجراء جولة تنزه خارجية 3 مرات يومياً، ما بالك بأطفالك اللي مش بتخرجهم غير مرة في الأسبوع؟

*هل تعلم أن دراسات أميركية توصي بأهمية خروج الأطفال يومياً في الخلاء حتى مع درجات الحرارة المنخفضة، وذلك لتجنب حدوث عديد من الأمراض؟

* هل تعلم أن طفلك الرضيع محتاج لأشعة الشمس يومياً لاكتساب فيتامين د المسؤول عن امتصاص الكالسيوم في الجسم..والمسؤول عن مود ومزاج الطفل العام؟

* هل تعلم أن طفلك الدارج عند عام وعام ونصف من أسباب ضعف شهيته وعدم انتظام نومه هو عدم خروجه وإنه مش بيبذل أي جهد على مدار اليوم وإنك معتقده إنه يصحى ياكل وينام وكده عملتي اللي عليكي؟

*هل تعلم أن الطفل ذا النمط الحركي وأطفال التوحد وتشتت الانتباه زادوا بشكل عام بسبب الحرمان من الخروج وقعدة التليفزيون والتعرض المستمر للشاشات؟

* هل تعلم أن علاج طفلك الحركي هو الخروج يومياً للتنزه والجري في مساحات واسعة وليس الحبسة بالمنزل واستخدام عقاقير وأدوية نفسية مدمرة لطفولتهم؟

*هل تعلم إنك مالكيش أي حجة وإنك ممكن تعملي النزول اليومي حتى لسوق الخضار أو حتى التمشية حول المنزل؟

*هل تعلم أن نزول طفلك للحضانة أو المدرسة غير كاف لانك بتطلعه من قفص المنزل وبتحطه في قفص الفصل؟

* عزيزي الرجل المصري.. لماذا تحل لنفسك النزول يومياً على القهوة بعد رجوعك من العمل بحجة التنفيس عن نفسك وتحرم على أهل بيتك وأطفالك التنفيس أيضاً عن نفسهم؟ اتقِ الله في أهل بيتك وحب لهم ما تحبه لنفسك.

أنا اتربيت في بيت من طفولتي لحد سن المراهقة كان بيفرض عليا من الصغر إني ما اخرجش مع صحابي غير مرة في الأسبوع، ويستحسن هما اللي يجولي.. الفصل عندي الشاطر هو اللي قاعد ما بيتحركش وحاطط ايده على بقه.. وإجازة الصيف كنت بنام فيها 14 ساعة؛ لأني مش لاقية حاجة أعملها بين أربع حيطان.. حجرة خالية من أي شيء غير لعب مكسرة وجهاز كمبيوتر عليه لعبتين خلصت كل ليفلاتهم.. استغلوا وقت أطفالكو.. خليهم يعيشوا طفولتهم.. من حقهم يشوفوا الشمس كل يوم..خرجوهم حتى لو اتمشيتوا بيهم تحت البيت.. كلاب بريطانيا مش أحسن من عيالنا.

ملحوظة:
التدوينات المنشورة في مدونات هاف بوست لا تعبر عن وجهة نظر فريق تحرير الموقع.