المدونة

نعرض أحدث الآراء و التحليلات لأبرز مدوني هافينغتون بوست عربي

عبدالله أحمد عرابي Headshot

أمان يا ربي أمان.. لو السيسي بقى بديلاً لأردوغان!

تم النشر: تم التحديث:

ملحوظة: التدوينة بالعامية المصرية

غريبه هي تلك المقالات التي تبدأ بماذا يحدث والافتراضات الخيالية.

لذلك -صديقي القارئ- إلى تلك الكلمات أرجوك تعامل معها ويكأنها من وحي الخيال العلمي البتنجاني، وتكملة للمقال السابق (ماذا لو أصبح أردوغان رئيساً لمصر؟).. المقال ده هنعكس الموضوع ورزقنا على الله.

الافتراض: ماذا لو أصبح السيسي بدليلاً لأردوغان وأصبح حاكماً لتركيا؟!

الاحتمالات:

1- خبرة السيسي قادرة على جعل تركيا تحذو حذو الدول الكبار.

2- السيسي جنرال عسكري متميز، وأكثر ما تحتاجه تركيا اليوم هو شخص مثله.

3- لا يعتبر السيسي قادراً على حكم البلاد هناك.

4- تركيا أصلاً مش محتاجة زعيم ولا رئيس شعب واعي.

هتتباين الآراء وهتختلف وده بحكم ثقافة ورأي البعض، ولكن فيه حقائق ما ينفعش ندخل فيها الأهواء الشخصية.

هنتعامل مع الموضوع من منظور بعيد عن شخصية السيسي وعن إنجازاته أو عيوبه أو عن تأثيره على الشعب التركي، بس هنتطرق لبعض المشاكل اللي حصلت وطريقة حلها.

* احترام القانون وفصل السلطات:

هل يجوز لرئيس سلطة تنفيذية (رئيس الدولة) أنه يعزل رئيس سلطة رقابية (رئيس الجهاز المركزي للمحاسبات).

فيه ظاهرة تعد الأولى والفريدة من نوعها وتعد سابقة دستورية غريبة في مصر.

طب إزاي الجهة اللي بتنفذ تقيل الجهة اللي بتراقب دي، ما حصلتش قبل كده، المستشار هشام جنينة قال فيه فساد في الجهاز المالي للدولة بـ600 مليار بما يخص جهاز الشرطة والجيش.

النتيجة يتم حبس المستشار هشام جنينة بقضية تشويه مؤسسات الدولة، هنا السؤال: مين فيهم اللي صح؟

طب هو الموضوع إزاي بمنتهى البساطة هل هكذا تدار الأمور؟

هل يقدر السيسي إنه يعمل ده في تركيا أيضاً؟

* جزيرتا تيران وصنافير:

أغرب ما يكون أن كلاً من الملك فاروق وعبد الناصر والسادات ومبارك ومرسي ما اتكلموش خالص عن الموضوع ده، وفضلوا محافظين عليها.

ليه فجأة السيسي يفتح ده، بل وياخد قراره، طب أنا كمواطن مصري أتعامل إزاي لما فجأة أصحى وأسمع أسمع إن الحق لازم يرجع لصحابه، وإن البلد دي طلعت مش بتاعنا والله؟!

ليه الشعب ده مغيب ومتغمي عينه عن حاجات وساعة المشكله لازم الشعب هو اللي بيدفع الفاتورة؟

طب نتيجة التقويم الميلادي اللي كنت باخدها من الجيش ومكتوب فيها إن الجزيرتين مصرية أنساها وكتاب الدراسات؟

طب ليه علمتونا إن الأرض هي العرض؟

طب ليه أكتر ناس ليهم الحق إنهم يتكلموا عليها من السعودية ما سمعناش صوتهم، والعكس شوية المسخ اللي هنا بيدافعوا عن أي حاجة؟

هل يقدر السيسي يعمل كده في تركيا؟

قرض صندوق النقد وشروطه هل السيسي هو المفوض الوحيد لأخذ القرار اللي هيتحكم في مستقبل أحفادي وأحفادك؟

سياسة أنا ومن بعدي الطوفان دي.. هل ده منطقي إنه يحصل في تركيا ولا في مجلس للشعب بدلاً من مسرح العرايس ده يقدم حلول أو يناقش؟

* تقليل حجم النفقات:

موكب الرئيس في أكتوبر بيمشي على سجاد أحمر.

* الشفافية في مصر:

هي إنك لما تحب تخبي حاجة حصلت اعمل لجنة واديها وقت براحتها عشان تعرف تحكم.

موقعة الجمل - استاد الدفاع الجوي - محمد محمود - مذبحة بورسعيد - ماسبيرو - أحداث القائد إبراهيم.. إلخ، والوقت أجمل حل عشان تنسى.

* تاريخ البلد وآثار مصر:

بتتشال بلودر والعيال بتلعب عليها، شكراً هيئة الآثار على إن مصر أم الدنيا فعلاً.. هل ده هيحصل في تركيا؟

* الإعلام مسؤولية وحريته هي أساس المهنة:

ده ما يمنعش إنه يتم إغلاق 15 موقع وصحيفة!

* العلاقات الخارجية:

مصر قطعت كل العلاقات مع قطر بس وطدت العلاقات مع إسرائيل.

الله يرحمه جلال عامر كان بيقول: الجبن الأبيض تنتجه المصانع، أما الجبن العربي فتنتجه الحكومات العربية.

أخيراً وليس آخِراً.. ده جيش البلد مش بلد الجيش.

عظيمة يا مصر بشعبك.. حفظ الله أرض اللواء وشعبها.

ملحوظة:
التدوينات المنشورة في مدونات هاف بوست لا تعبر عن وجهة نظر فريق تحرير الموقع.