مصرية تزعم أنها ماتت 3 مرات ثم عادت إلى الحياة.. هذه قصتها

تم النشر: تم التحديث:

زعمت سيدة مصرية، أنها ماتت وعادت للحياة من جديد، مشيرة إلى أنه تم تغسيلها استعداداً للدفن.

وقالت السيدة في برنامج "صبايا الخير"، الذي يذاع على قناة "النهار" المصرية: "روحت للدكتورة لاقتني عندي سكر وسخنة، وبعد كده دخلوني على العناية المركزة، وكنت لا عارفه ليل ولا نهار، لدرجة 3 مرَّات مت فيها في العناية، وغسلوني فعلاً، أنا بحب ربنا، وبقيت فرحانة أوي إني هموت، بقيت خايفه بس من حاجة واحدة، كنت خايفة بس من سكرات الموت".

وأضافت: "في بنتين غسلوني بقى، وكنت حاسه بيهم، وحاسه إني نايمه فوق السحاب، وحاسة إن حواليا ملائكة وأطفال صغيرين".

وتابعت: "والله أنا من أول ما كنت في العناية المركزة حاسة إن فيه إيد حد مسكاني، وحاسة، مش ناس، حد ماسك إيدي، وكل دموعي ما تنزل ألاقي حد بيمسح دموعي، ولحد ما خرجت من الرعاية وإيده في إيدي، وكنت سامعة صوت عيالي".