المدونة

نعرض أحدث الآراء و التحليلات لأبرز مدوني هافينغتون بوست عربي

سلمى محمود أمين Headshot

إدارة الوقت: 15 طريقة تساعدكِ على إنجاز مهام أكثر في وقت أقل

تم النشر: تم التحديث:

ملحوظة: التدوينة بالعامية المصرية

إدارة الوقت مهارة لا بد من اكتسابها لمضاعفة الفاعلية والإنتاجية، لازم تكتسبيها عشان تحققي أي شيء في حياتك، فيه مقولة بتقول لجاكسون براون:
"لا تقل إنك لا تملك وقتاً كافياً، أنت تملك ذات الـ24 ساعة التي امتلكتها هيلين كيلير وأينشتاين وليوناردو دافنشي".
إنتِ أكيد مرّيتِ بإنك تبقي عايزة تحققي حاجة - أو حاجات! .. بس حاسة إنك مش عارفة تنظّمي وقتك عشان تبدئي فيها..
فبالتالي الوضع بينتهي بيكِ لأنك تفتحي الفيسبوك أو إنستغرام تفضلي تـ scroll لحد ما تنعسي!

إدارة الوقت هي مهارة، هتحتاجيها سواء في شغلك أو دراستك أو حتى حياتك العامة.

أدامك 15 طريقة سهلة في إدارة الوقت تقدري تستعيني بيهم في تحقيق أكبر إنجاز ممكن:

1- ضعي خطّة يومية:

مهم ليكِ إنك تحطي خطة ليومك عشان تعرفي إنتِ هتعملي فيه إيه بالظبط وبأي ترتيب، حطّي الخطّة دي في أول نصّ ساعة من النهار.. أو - بطريقة أفضل - بالليل قبل ما تنامي، عشان يفضل عندك زي رؤية عامة عن اليوم هيمشي إزاي، حاولي تلتزمي باللي موجود في الخطّة قدر الإمكان.

ggff

فكرة: إذا قدرتِ تلتزمي بالخطّة، كافئي نفسك!

2- حدّدي وقت لكل مهمة:

لازم تخلّي لكل مهمة وقت محدد ليها تلتزمي فيه، مثلاً المشوار الفلاني هياخد ساعة ونص، تاسك الشغل هيقعد من الساعة 3:00 لـ 3:45. ده بيمنعك من "السرحان" وبيمكنك تحافظي على الجدول اللي حاطّاه.

vvdd

فكرة: سيبي مساحة زمنية فائضة لو حصل أي ظرف.

3- استخدمي جدول:

الجدول هو من الطرق الأساسية لإدارة الوقت، بتحطّي فيه المهام والنشاطات اليومية اللي خطّطتِ لها، وبيفكّرك بيها، طبعاً أفضل جدول هو Google Calender.
أو ممكن تنزّلي أبلكيشن Any. Do.

fff

4- اعرفي الـ Deadlines بتاعتك:

حددي إمتى لازم تخلّصي الحاجة اللي في إيدك؟
وحطّي الديد لاين ده في الجدول أو الأبلكيشن بتاعك. عشان ما تسرحيش بردو، لسه ورانا شغل كتير .

ff

5- قولي "لا ":

أكيد سمعتِ الجملة دي كتير قبل كده بس هنقولهالك تاني، اسمعي: قولي لأ، لسببين:
- الناس هتلاقي حد غيرك يعمل الحاجة بدالك.
- محدش هيجي يعمل اللي وراكي، وإنتِ بس اللي هتُحبطي لو منفذتيهاش، إما إنك تقولي لأ واضحة وصريحة بدون أسباب - بس بذوق طبعاً!
أو إنك تأجّليها لوقت تاني، بس أرجوكِ خلّيكِ متأكدة إنك تقدري تقومي بيها في الوقت التاني ده!

ffddd

6- تعالي بدري:

تعرفي هيحصل إيه لو قلتي هتنزلي في معادك؟ شاطرة.. هتوصلي متأخّر. إنتِ عارفة ليه كويس: قرري إنك توصلي بدري عن ميعادك ولو 10 دقايق. وعلى الأساس ده اتعاملي سواء في الصحيان أو اللبس أو النزول.

ddss

7- ضعي ساعة أمامك:

خلي في ساعة دايماً حاضرة أدامك، عشان كتير (بنسرح) في اللي بنعمله أو بنتشتت عنه وبنفقد تحكمنا في الوقت، حطي الساعة دي في مرمى بصرك عشان تخليكِ دايماً على التراك.( +ديكور لطيف :D)

eew

8- اضبطي المنبه ربع ساعة قبل المهمة:

كل الـ calenders تقريباً فيها منبهات، اظبطي المنبه قبل أي تاسك بربع ساعة عشان يفكّرك باللي وراكِ.

vv

9- ركّزي:

خليني أخمّن!
إنتِ من النوع اللي بيعمل عشر حاجات في نفس الوقت.. بعدين تُفاجئي إنك مخلصتيش حاجة خالص في الآخر؟ لو انتِ كدا..
اقفلي كل الـ tabs بتاعة البراوزر وسيبي بس اللي انتِ شغّالة عليه.
إبعدي عن كل الحاجات اللي بتشتت انتباهك وتفكيرك. الخطوة التانية هي..

10- استخدمي تقنية الـ25 دقيقة:

فيه تقنية جديدة في إدارة الوقت اسمها pomodoro (معناها طماطم بالإيطالي :D) بتقولك إيه بقى؟ إنك تركّزي مجهودك وتفكيرك لمدة 25 دقيقة فقط على تاسك أو حاجة واحدة في إيدك.. بعيداً عن أي مشتتات نهائي! وبعدها تاخدي بريك 5 أو 10 أو ربع ساعة.. وبعدين تكمّلي.
ينفع تنفّذي التقنية دي في أي حاجة في حياتك (مذاكرة، شغل، قراءة، تنظيف، رياضة..).
وطبعاً متوفر له نسخة على الأندرويد والآيفون والـ PC.

ddss

11- ابتعدي عن الملهيات:

تعالي نعدّ مع بعض كدا.. واتس، فيسبوك، تويتر، إنستغرام، بنتريست، ساوند كلاود، إيميل، مكالمات، حد بينادي.. وغيره! :/فطبيعي هتبقى قاعدة مُشتتة ومش بتنجزي حاجة.
لما تيجي تعملي حاجة، اقفلي كل الملهيات دي وابعدي عنها .. ع الأقل لمدة 25 دقيقة فقط.. ومعاكِ بريك 5 دقايق تهيّصي فيه أهه مش حارمينك من حاجة

ffdd

12- حدّدي أولوياتك:

مفيش فينا المرأة-التنين اللي ممكن تعمل كل حاجة! عشان كدا حاولي تحدّدي أهم أهم أهم الأمور اللي لازم تعمليها. وطبعاً مش لازم تنسي أبداً إنك تقومي بالأشياء الأسهل ذات التأثير الأكبر. فيه نظرية اسمها 20/80 .. وهي إنك تقومي بالحاجة اللي حجمها 20% ونتيجتها 80%.

vfd

13- اطلبي المساعدة:

عادي يعني الناس لبعضيها.
لو في إيدك كذا حاجة لازم تتعمل، اختاري إنتِ الحاجة الأهم وقومي بيها، ووكّلي حد غيرك يقوم بباقي المهام اللي ما ينفعش تتأجل ولكنها أصغر وأقل أهمية من اللي بتقومي بيها.

14- اتركي مساحة لأي طارئ:

مش هينفع تحسبِ كل حاجة بالورقة والقلم! سيبي زي 10 لـ15 دقيقة بين كل مهمة والتانية تحسُّباً لأي ظرف طارئ.

15- أخيراً.. افصلي! أول ما تحسّي إنك بتجيبِ جاز، افصلي فوراً!

مش من الذكاء إطلاقاً بأي شكل إنك تكمّلي ضغط على نفسك وتستنزفيها وهي محتاجة راحة، تقدري تريّحي شوية وبعدين تكمّلي.
bv

الدنيا مش هتطّير. وصحّتك أهم يا هانم!

- تم نشر هذه التدوينة في موقع الهانم

ملحوظة:

التدوينات المنشورة في مدونات هاف بوست لا تعبر عن وجهة نظر فريق تحرير الموقع.