المدونة

نعرض أحدث الآراء و التحليلات لأبرز مدوني هافينغتون بوست عربي

كاتي عياد  Headshot

الحب واحنا

تم النشر: تم التحديث:

ملحوظة: هذه التدوينة باللهجة العامية

كتير لما بنفكر في الارتباط والحب والحد اللي يكملني.. أول حاجة بتيجي في بالنا.

الرومانسية وضربات القلب اللي تزيد والابتسامة البلهاء اللي تلبس وشوشنا في وجود حد
ونبدأ نحط صورة للطرف التاني.

هيكون فيه ايه وصفاته ازاي وشكله ازاي وهنستنى منه ايه ونديله ايه.
وعنينا تبدأ تركز على حد تاني مش علينا.

ده غير اصلا ان كتير مفهومنا عن الحب والعلاقات بيكون غلط.
اوقات تانية فكرة ان لينا مطلق الحرية في الاختيار بتكون حاجة بتقيدنا او تخوفنا او تخلينا نتردد كتير.

احساس المسؤولية في القرار اللي بعده حياتي كلها هتتغير اوقات الاحساس ده بيعمل للواحد حالة شلل فكري.

طيب وانا امتى ابقى اختارت صح وبناء على ايه حكمت انه صح.

طيب هندم على القرار ده وﻻ خلاص متأكد من قراري.
ونبدأ نسأل ومرة ناخد ردود تعجبنا ومرة ﻻ.

مرة نقابل ناس تفهمنا ومرة ﻻ والموضوع نسبي والاسس والمعايير اللي الناس بتختار بناء عليها بردو نسبية.

ناس تختار بالعقل وناس تختار بالقلب وناس بتختار اللي قدامها وناس الظروف والواقع والنصيب بيحطوا قدامهم اختيارات ﻻ مفر من قبولها.

بس تعالوا ناخد الموضوع من وجهه نظر تانية ممكن تصح وممكن تخطئ.


أكبر نماذج حب في حياتنا:



1_اكبر علاقة حب بحياتنا هي علاقة ربنا بينا (بيحبنااااااااااا حب).


اللي هو غير مشروط ده الحب اللي بيقبل ويداري العيوب.

الحب اللي بيسامح الحب اللي يقوى ويشجع الحب اللي من كتر مهو كبير بيغرق اللي قدامه.

الحب اللي يستر ويرفع الحب اللي يداوي وقت الوجع ويطبطب وقت الحزن الحب اللي يستحمل رغم الضغوط.

الحب اللي يجرى ويقدم حاجات حلوة كتير ﻻنه مبيعرفش غير انه يقدم حاجات حلوة.

الحب اللي بيغيرك للاحسن ويكبر بيك ويطلع منك احلى صفات ويخليك شخص كويس بمعنى الكلمة.


2_حب الأم


وده الحب البشرى الاول وبالنسبة ناس ثانية الوحيد اللي ينفع يتسمى حب بجد.

الام بتفهمك من صغرك حتى في الوقت اللي انت مش فاهم نفسك فيه.

الام بتشجعك في الوقت اللي انت مش قادر حتى تثق في نفسك فيه.

الام اللي مش بتيأس تفضل وراك عشان تكبر وتتعلم وتنجح.

الام هي الكائن اللي معاه الكتالوج بتاعك وعارفه مفاتيحك وحافظه مودك وفاهمه فكرك.

هي اللي تتمنالك انك تبقى افضل منها وتبقى مبسوطة "هي فطرتها كده".

العلاقتين دول هما اكبر علاقتين بيأثرو فينا وبنتأثر بيهم لما نيجي نختار سواء ادركنا ده فعلا او مش مدركينه.

عشان كده تلاقي المتدين بيدور على اللي شبهه واللي مش متدين بيدور بردو على اللي شبهه
عشان كده نسمع جمله (اتجمعوا على حب ربنا).

ربنا يحبني مهما انا اوقات ملتزمتش معاه وبيصبر عليا كتير.

وقدام التزامه وصبره وحبه انا قلبي بيلين وبيحب وببقى عاوزه اقدر الحب ده واحبه بجد من كل القلب.

علاقتنا بنصنا التاني وعلاقتنا احنا بربنا هما وجهين لعملة واحدة.

لو انا مدركة انا بتحب ازاي من ربنا رغم عيوبي ونواقصي ودوقت الحب ده واختبرته وعيشته انا هقدر ادي ده للطرف التاني وبالمثل هو كمان.

لو انا مدركه حب امي ليا ازاي كبير وازاي ملوش حدود وانها بتحبني ﻻني حته منها وادركت بردو ان نصي التاني هو حته مني وانا حته منه لحم من لحمه وعظم من عظامه.

هيقدر كل حد فينا يقدر ويفهم ويقرأ كتالوج التاني ويقدر يديله ويساعده ويقدمه على نفسه
النقطتين دول لو فيهم اي خلل عند اي طرف من طرفين العلاقة يبقى العلاقة دي هتبوظ مهما خدت وقت في البدايات كويسة لكن مصيرها الحقيقي هو الفشل.

_اي اتنين مربوطين بمصدر الحب هينجحوا.

_الاثنين اللي شبعانين حب في بيوتهم, متعلمين يستقبلوه حب ويقدموا حب ازاي.

_اللي عارف يلتزم مع اصل الحب كله "ربنا" هيعرف يلتزم مع شريك حياته.

_اللي عارف يفهم نفسه صح هيعرف يفهم اللي قدامه كويس.

_اللي يقدمك على نفسه ده اكتر حد يستاهل تحبه.

_اللي مدرك حقيقة انك حته منه خلاص عمره ما هيعرف يبعد عنك.

_اللي شايف فيك جمال مميز رغم عيوبك ده مش هتلاقي منه كتير.

"عندما تميت الذات يحيا الحب".

الموضوع مش لوغاريتمات.. الموضوع أساسات بناء.

#‏مجرد_وجه_نظر‬
#يالا نحب صح

ملحوظة:

التدوينات المنشورة في مدونات هافينغتون بوست لا تعبر عن وجهة نظر فريق تحرير الموقع.